Ծնողն ու ուսուցիչը՝ գործընկեր

Ծնողի մասնակցությունը դպրոցաշինության գործում, թերևս, առաջնային է, սակայն Ժամանակի սղությունն ու մտազբաղվածությունն արհեստականորեն հեռացնում են նրան դպրոցից:Այդ իսկ պատճառով` մեր դպրոցում հաճախակի են կազմակերպվում խորհրդակցություններ, հանդիպումներ, բանավեճեր, քննարկումներ՝ ուսուցիչ-ծնող, աշակերտ -ուսուցիչ, աշակերտ- ծնող փոխհարաբերությունների շուրջ:Սեպտեմբերի 10-13-ը ծնողական համալսարանների մեկնարկն էր տրվել դպրոցում, թեման՝ «Ծնողի դերը դպրոցի կյանքում»:«Ընտանիքի և դպրոցի համագործակցության կենտրոնում աշակերտն է, ով  կրթության և զարգացման գլխավոր դերակատարն է դպրոցում և ընտանիքում:Ոչ մի հակասություն չպետք է լինի դպրոցի և ընտանիքի միջև, եթե ծնողներն ու դպրոցը  համագործակցում են», -իր ելույթն այսպես սկսեց դպրոցի տնօրեն տիկին Հակոբյանը:Նա կոչ արեց ծնողներին մշտապես լինել դպրոցի կողքին, համագործակցել ուսուցիչների հետ, ինքնուրույն ու ինքնանպատակ քայլեր չձեռնարկել, վստահել ուսուցչին, լինել ուսուցչի գործընկերը՝ ուսյալ, դաստիարակված, բանիմաց, հայրենասեր, ազգասեր, կարգապահ, արժանապատիվ ու հումանիստ սերունդ ունենալու համար:Ծնողներին իրենց խոսքը հղեցին նաև փոխտնօրեններ Ալլա Համբարձումյանն ու Վարսիկ Սիմոնյանը:Հետաքրքիր, գործնական, համագործակցային` ընտանիք-դպրոց, հանդիպում էր:/նկարաշարն այստեղ/

Advertisements

Առաջին ընդհանուր աշակերտական ժողով

Դպրոցի 6-12-րդ դասարանների աշակերտների առաջին ընդհանուր աշակերտական ժողովն էր:Դպրոցի տնօրենը տիկին Հակոբյանը հանդես եկավ ամենամյա ծրագրային ուղերձով:Աշակերտները հաստատեցին ԱԽ -ի կանոնադրությունը, ի գիտություն ընդունեցին տնօրենի ամենամյա ծրագրային ուղերձը, լսեցին ԴԱԿ Աննա Ալեքսանյանի նախորդ` 2017-2018 ուս.տարվա հաշվետվությունը, միաձայն «լավ» գնահատեցին կատարած աշխատանքները:Տնօրենի մասնագիտացված կրթական աջակցությունների գծով տեղակալ Վարսիկ Սիմոնյանը խոսեց ուսումնական տարվա ընթացքում արտադասարանական և արտադպրոցական աշխատանքների կազմակերպման պլանի մասին:Աշակերտների նախաձեռնությունների վերաբերյալ առաջարկություններով հանդես եկավ դպրոցի ուսմասվար Ալլա Համբարձումյանը:ԱԽ-ի անդամներն իրենց կարծիքները հայտնեցին կատարվելիք աշխատանքների շուրջ: Գործունեության երաշխիքի մեկնարկը տրվեց:/նկարաշարն այստեղ/

Գիտելիքի օրը դպրոցում

Մեծ երազանքներով ու սրտի թրթիռով ենք սպասել այս օրվան բոլորս:Պարզ ու միամիտ հայացքով նայել ենք մեր առաջին ուսուցչուհուն՝ խոր հավատով, ուսման հանդեպ մեծ ծարավով,  վառ երևակայությամբ:Այդպիսի հույզերով ու ապրումներով էին այսօրվա մեր առաջինները:Յուրաքնչյուրի հոգում անթաքույց մի երազ՝ գունեղ, անբիծ, հեքիաթային:Այդ հեքիաթներում իրենց առաջին ուսուցչուհին է՝ հրաշք փերին, ով, յուրաքանչյուրի ձեռքը բռնած, տանում է մանկության աշխարհի արահետներով՝ գիտության դարբնոց՝ դպրոց, ուր ջերմ մաղթանքներով, երգ ու պարով դիմավորում են նրանց:Ավանդույթ դարձած այս տոնական օրը սկսվեց ՀՀ օրհներգի հնչյունների ներքո:Իրենց շնորհավորանքի խոսքն ասացին Մեղրի համայնքի փոխհամայնքապետ պարոն Սամվելյանը, դպրոցի տնօրեն տիկին Հակոբյանը, վաստակած հանգստի անցած ուսուցչուհի տիկին Օհանյանը, ոստիկանության աշխատակիցներ, աշակերտներ, ծնողներ:Առաջին զանգը հնչեցնելու պատիվը տրվեց դպրոցի նախկին շրջանավարտ, վաստակաշատ մանկավարժի որդի, Մեղրու զբաղվածության տարածքային կենտրոնի տնօրեն Սարգիս Հակոբյանին և իր դստրիկին՝ փոքրիկ Քնարիկին, ինչն էլ ազդարարեց նոր հաջողությունների ու նոր ձեռքբերումների ուսումնական տարին:/նկարաշարն այստեղ/