ՀԱՅՐԵՆԻՔՆ ԱՊՐՈՒՄ Է ՀԱՅՐԵՆԱՍԻՐՈՒԹՅԱՄԲ…

Վերջերս դպրոցի աշակերտական խորհրդի նախաձեռնությամբ դպրոց էին հրավիրվել Մեղրիի N զրամասի  հրամանատարի ԲՀԱԳՏ փոխգնդապետ Ա.Մկոյանը, ՕՍԻԱԳ — սպա մայոր Բ.Ստեփանյանը, գնդերեց՝ բարեշնորհ Դավիթ Սարկավագ Հովհաննիսյանը, զորամասի հոգևոր և սերժանտական խորհուրդների ներկայացուցիչ զինվորներ՝ անկեղծ զրուցելու, ընդհանուր հայտարարի գալու և համատեղ անելիքների շուրջ պայմանավորվելու նպատակով:Աշակերտները հյուրերին հղեցին իրենց հուզող հարցերը, միասին քննարկեցին հետագա անելիքները, հանդես եկան գեղարվեստական համարներով, հյուրերի հետ միասին շրջայց կատարեցին դպրոցում, եղան դպրոցի շրջանավարտ, զոհված ազատամարտիկ Գևորգ Միքայելյանի անունը կրող Փառքի սենյակում, ծանոթացան նրա հայրենանավեր ու անձնանվեր գործունեությանը, ապա գործնական պարապմունք անցկացրին ՆԶՊ-ի դասաժամին:Հանդիպման ավարտին դպրոցի տնօրենությունը շնորհակալություն հայտնեց զորամասի հրամանատարությանը՝ դպրոց-բանակ կապը ամուր պահելու, հայրենիքի պաշտպանության գործին նվիրվելու համար:Հայերնասիրության Մեծ դասն ավարտվեց Նժդեհի խոսքով. «Հայրենիքն ապրում է հայրենասիրությամբ և կործանվում դրա պակասից»:/նկարաշարն այստեղ/

Կրթության կարևորության մասին

Կրթության միջազգային օրվա առիթով դպրոցի աշակերտական խորհրդի նախագահ, 11-րդ դասարանի աշակերտուհի Մարիամ Թումանյանը նախաձեռնել էր հարցախույզ՝ «Կրթության կարևորության մասին» թեմայով՝ տարբեր մասնագիտություններ ունեցող մարդկանց շրջանում:Մանրամասն՝ տեսանյութում:

 

Դու մեր երգի Մեսրոպ Մաշտոց

Ամենայն Հայոց Վարդապետին նվիրված միջոցառումների վերջին ակորդը հնչեց դպրոցում՝ «Մեր Կոմիտասը» խորագրով: «Անտունի», «Կռունկ», «Ծիրանի ծառ», «Ալ այլուղս», «Զինչ ու զինչ», «Քելե, քելե», «Սարերի հովին մեռնեմ», «Կաքավիկ»…   թևածում էր մաքրամաքուր մեղեդին դահլիճում: Աշակերտները պատմում էին Կոմիտաս մարդուն և արվեստագետին բաժին ընկած ծանր ճակատագրի, նրա զգայուն հոգու, աննկուն կամքի, բարեհոգի և կենսուրախ լինելու մասին: Սրտաբուխ կատարումներով, նրա մասին պատմող տեսանյութերով համեմված միջոցառումն ավարտվեց Ամենայն Հայոց կաթողիկոս Վազգեն Առաջինի խոսքով.«Հայ ժողովուրդը կոմիտասյան երգին մեջ գտավ, ճանաչեց իր հոգին, իր հոգեկան ինքնությունը։ Կոմիտաս վարդապետը սկիզբ է, որ վախճան չունի։ Նա պիտի ապրի հայ ժողովրդով, հայ ժողովուրդը պիտի ապրի նրանով, ինչպես այսօր, այնպես էլ հավիտյան» :/նկարաշարն այստեղ/